Берік ИСМАИЛОВ, дизайнер: Жаңа коллекциямды модельдер емес, әншілер киіп шығады…

Берік ИСМАИЛОВ, дизайнер– Таяуда болатын «Берік Исмайыловтың ән мен сән шеруінде» көрерменге не ұсынбақсыз?
– Бұл шеруді ұйымдастырғандағы мақсатым – халық алдына шығып есеп беру. Елуге келгенше не істедім, не тындырдым – осы сұраққа жауап берсем деймін. Екіншіден, небәрі 3 жылдың ішінде ең жақын адамдарым – ағам, анам, әкем, жеңгем, жездем – бірінен соң бірі дүние салды. Соларды жоқтау ретінде тек қара түсті матадан бірнеше киім үлгілерін жасаған едім. Ол коллекциямды басында «Жоқтау» деп атағанмын, бірақ қазір ойланып жүрмін. «Ауыр жылдың көктемі» деп атасам ба екен, білмеймін… Одан басқа, ұлттық киім, кешкі сән киімдері, той көйлектері – осындай төрт түрлі топтамамды көрермен тамашалайтын болады. Кеш әнмен әрленіп, бимен көмкеріледі. Сән үлгілерін әдеттегідей бойы 2 метр, сұлу да сымбатты қыздар киіп шықпайды, әншілер киіп, дефиле көрсететін болады. Өйткені, ойлап қарасам, мен киім тікпеген әнші жоқтың қасы. Солар әрі әнін айтса, әрі менің коллекциямды киіп, жұртқа көрсетсе деген ой келді. Әншілер де қуана қолдап, көмегімізді аямаймыз деп отыр. Сценарийді барынша көркем де қарапайым етіп құрмақпыз. Экран арқылы 20 жылдық тарихымыздан да хабардар етіп отырсақ деймін.

– Зайцев, Юдашкин, Версачи, Армани… Осылардың қатарында қазақ кутюрьесінің аты аталуы мүмкін бе?
– Мемлекет қаласа, аталуы мүмкін. Ол үшін, ең алдымен, жеңіл өнеркәсіпті дамыту керек. Кедей қазақ қашанға дейін қытай мен қырғыздың, бай қазақ француз бен итальянның киімін киеді? Өз өнімдерімізді өндіретін кез жетті деп ойлаймын. Ұлттық бренд қалыптастыруымыз керек. Байлар шетелден киім сатып алғанына мәз болмай, Зайцев пен Юдашкиннің арзан киімдерін «бәленбай мың долларға алдым» деп мақтанғанша, өз модельерлерімізге тапсырыс бергені әлдеқайда артық. Өйткені біз олардан кем тікпейміз. Мысалы, өзім сол Зайцевтен кем тігемін деп айта алмаймын. Біздің биліктегі ханымдарымызға 6-8 мың долларға тіккен камзолды мен одан әлдеқайда артық әрі сапалы етіп тігер едім… Әрине, біздің байлар үшін «брендтен» киінген мақтаныш, абырой. Сөйтіп жүріп, «қазақ брендін қалыптастырмайсыңдар, әлемдік сахнаға шыға алмайсыңдар…» деп бізді кінәлайды. Бізді өз қазақтарымыз мойындағысы келмегенде, әлем қайтсін мойындап? Қазақ брендін қалыптастыруға әрқайсысымыз атсалысуымыз қажет. Ол үшін, әрине, нағыз патриот болу керек.

– Біздің Астана, Алматы сияқты ірі қалаларымызда байлар ашып алған, тек байлар ғана киінетін әлемдік брендтердің фирмалық дүкендері аз емес. Сонда деймін-ау, сол Версачи, Арманилер бүкіл әлемді қымбат өніммен қалай қамтамасыз етіп отыр? Қымбат өнімнің шекара асуы да қымбат болмай ма?
– Оның бәрі фирмалық дүкен деп ойласаңыз,   қателесесіз. Бәрі кәдімгі қара қытайдың өнімдері. Атақты этикетканы жапсырып қойып, зырылдата береді. «Подделка» болмауы мүмкін, өйткені Версачи, Арманилармен келісімшартпен жұмыс істейді. Яғни, Қытайдан бірнеше фабрикасын ашып қойған. Олардың маркетинг саласы жақсы дамыған, бірнеше сауда бағыттары бойынша жұмыс жасайды: бірінші бағыт – ең байларға арналған, санаулы ғана адамдар сатып ала алатын өнім шығаратын бағыт. Екіншісі – орташадан жоғары тұрмыстағы адамдарға арналған бағыт. Ол киімдерге ешқашан «Версачи» немесе «Армани» деп баттыйып жазылмайды, киімнің астарында, көзге көрінбейтін қалтарысында ғана кішкентай әріптермен жазылады. Ал үшінші, төртінші бағыт бойынша саудаға шығаратын өнімдері – қытайда өндірілетін, маркалық атауын баттыйтып жазып қоятын бағыт. Бұл ең кедейлерге арнап шығаратын өте арзан өнімдері. Әлемді шарлап кеткендері, міне, осылар. Біздің елге де үшінші, төртінші санаттағы, қытайда өндірілетін, баттыйған жазулары бар арзан тауарлар келеді. Осы бағытта шығарылатын тауар ең кедей елдерге жіберіледі. Ал біздің халық оны қалай түсінеді? «О, Версачи!.. О, Армани!..» деп, үстіне жапсырып алады. Ал олар бұл киімдерді «менің атымнан киім кигің келе ме, мархабат, бірақ жүрген жеріңде – базарда, көшеде, көлікте мені жарнамала…» деп, қытаймен бірлесіп әдейі шығарған.

– Әлі есімде, баяғыда «Ақжүніс» бағдар-ламасының 8-наурызға арналған мерекелік санында тек қана жігіттер қонақ болып, әртүрлі сайысқа түсіп, қыз-келіншектерімізге өз өнерлерін көрсеткен еді. Сонда сіз қатарынан үш бәйгені жеңіп алған болатынсыз. Ән жарыста да, би жарыста да, аспаздық жарыста да өзгелерден оқ бойы оза шауып едіңіз… Бойыңызға осыншама өнердің бәрі қалай сыйып жүр?
– (күлді) Орыстар айтады ғой, «если человек талантлив в одном, он талантлив во всем» деп. Негізі, бар өнерді, бар жақсылықты топырақтан – ауылдан алдым деп ойлаймын. Ауылда жүргенде не істемедік?!. Ән де айттық, би де биледік, тандырдың лайын да иледік… Адам әркез ізденісте болу керек. «Жігітке жеті өнер де аз» демей ме?

– Он саусағынан өнері тамған дегенді сізге арнап айтуға болатын шығар… Гитара тартатыныңызды білеміз, ал домбыра ше, тартасыз ба?
– Жоқ, тек гитарада ғана ойнай аламын. Домбыра тарта алмаймын, өйткені үйде домбыра болмады. Әйтпесе, оны да үйреніп алар едім…

– Сіздің ұлтыңызды кейбіреулер өзбек дейді…
– Жоқ, таза қазақпын. Бірақ мені өзбектер – өзбекке, татарлар – татарға, түріктер – түрікке ұқсатады. Италияға барғанымда олар «итальянсың ба?» деп сұрайды.

– Модельер болмағанда кім болуыңыз мүмкін еді?
– Инженер-конструктор болып қала берер едім, өйткені мен 5 жыл Ресейдің Омбы қаласында политехникалық институтты авиа-инженер мамандығы бойынша оқыдым. 11 жыл Ташкенттің авиазаводында жұмыс істедім. Бөлім бастығы дәрежесіне дейін көтерілген болатынмын. Сол оқу орнын оқығаныма ешқашан өкінбеймін, құдай мені әдейі сол оқуға жіберіпті. Өйткені менің миым математикалық тұрғыда жұмыс жасайды, шахматшы тәрізді, әр қадамымды алдын ала «жеті рет ойлап, бір рет пішемін». Және де көп жағдайда ойым дәл болады, қателеспеймін…

– Туған жер, өскен ортаңыз туралы айтып беріңізші…
– Ауылым, кіндік қаным тамған жер – Қызылорда облысы, Жаңақорған ауданы. Сол жерде 1979 жылы орыс мектебін бітірдім, сол жерде 6-сыныптын бастап пошташы болып жұмыс істедім, өйткені анам Салаш ауылда пошташы еді, әпкем екеуміз сол кісіге көмектестік. Сол кезде достарымнан, сыныптағы қыздардан ұялып, газет таратып жүргеніме намыстанып, жерге кіріп кете жаздайтынмын. Соның бәрі ақымақтық екен. Кейіннен, студент болып, ақыл кіргенде, ауылға демалысқа барғанда поштаға арнайы барып, пошташы апайлардың сөмкесін алып, бүкіл ауылға қуана-қуана газет тарататын болдым. Ауылда туып-өскенім, ұлттық тәрбие көргенім менің шығармашылығыма көп әсер етті. Сол үшін қуанамын…

– Көркем әдебиет оқисыз ба? Соңғы оқыған шығармаңыз қандай?
– Әрине. Әсересе, жастау кезімізде кітапты көп «кемірдік». Соңғы кезде бұрынғыдай көп оқуға мұрша бола бермейді, дегенмен, ара-тұра кітап оқуды әдетке айналдырғанмын. Бұрын бір бөлмем толған кітап еді. Қазір кітапханамды саяжайға көшіргенмін. Тым үлкен болмаса да, әжептеуір кітапханам бар, сирек кездесетін кітаптар да аз емес.

– Сіздің сүйікті авторыңыз?
– Чарльз Диккенс.

Сұхбаттасқан
Сәуле ӘБІЛДАХАНҚЫЗЫ

Сайтымыздың жаңа мақалаларына жазылыңыз

Поделиться в соц. сетях

Опубликовать в Facebook
Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс

19 пікір

  1. Молдир :

    Берик агай енбектериниз жемисти болсын))) алга койган максаттарыныз орындала берсин…

  2. Асель Аман :

    Берік ИСМАИЛОВ, Халықаралық Дизайнерлер одағының мүшесі: Жаңа коллекциямды модельдер емес, әншілер киіп шығады…
    30.03.2012 / Айдары: Әсемдік әлемі – Таяуда болатын «Берік Имайыловтың ән мен сән шеруінде» көрерменге не ұсынбақсыз?

    — «с» арипи калып кеткени,аттен-ай!!!!!

  3. Суюнбаева :

    Сіздің сән әлеміндегі орныңыз өте жоғары.Еңбегіңіз жемісті болсын!

  4. ЕркеНАЗым :

    Берік Исмаилов ағай мен дизайнер болғым келеді, ол үшін жарыстар ұйымдастырылса деймін, мен өз үлгілерімді жарысқа шығарсам деймін. мен сіздің еңбегіңізге жеміс, творчествалық табыс тілеймін.

  5. АйданаКанагат :

    Маған Берік ағайдың тіккен киімдері өте қатты ұнайды. әсіресе көйлектері.
    Берік ағай сіз қазіргі заманға лайықты сән үлгілерін жақсы ойлап табасыз. сізге еңбегіңізге табыс тілеймін. әрқашан сән әлемінде де, өмірде де жолыңыз болсын деп тілеймін……

  6. БАТЫЛАН :

    қазақы той көйлегін тігесізбе ТОЙ САЛОНЫ ҚЫЛЫЛОРДА

  7. БАЛНУР :

    Еңбегіңіз жемісті болсын!

  8. Аселя :

    Берік Исмаилов агай енбектериниз жемисти болсын.Алга койган максаттарыныз орындала берсин, еңбегіңізге жеміс, творчествалық табыс тілеймін. Менин сиз сиякты халкыма адал кызымет жасайтын дизайнер болгым келеди. Ол ушин маган сиз сияты оз исин билетин кисилерден акыл-кенес алсамгой деп армандаймын.

  9. Берік ағаның бренддеріне қалай тапсырыс беруге болады?

  10. бедергул :

    жақсы дизайнер

  11. рысжан :

    иа жақсы дизайнер гой киімдері қымбат шыгар

  12. сауле :

    Берик Исмаиловты кішкентай кезімнен білемін. Керемет отбасында тәрбие алған. Анасы, папасы, әпкелері, ағалары барлықтары жақсы адамдар. Әкесі Соғыс Ардагері. Кішкентайымда сол кісілердін отбасына қонаққа баруды жақсы көретінмін мамама еріп барам. Қай кезде де бұл отбасында тазалық, береке, аузбіршілік мол болатын. Апанын талқаны ше… Көз алдыма елестетсем сол күндерді, — жүрегім аурады. Қайда сол керемет кездер.

  13. сауле :

    Берік ағанын анасы Салаш апанын талқаны тәтті болатын Мамам Сиырды сауып 3-литірлік банкіге құйып беретін Таласамыз үйде мен апарам деп. Сонда Салаш апа банкіні үнемі талқанмен толтырып жіберетін. Сол тәтті талқан үшін жаяу жүгіріп баратынбыз. Бері к ағанын Берген сұхбатында ол өзінін ауылдағы өмірі жайлы айтты. Өтірік еш нәрсе жоқ. Мен тындап көзімнін аладына бәрін қайтадан елестетіп жылап алдым Жақсы , қарапай

  14. сауле :

    Берік ағанын анасы Салаш апанын талқаны тәтті болатын Мамам Сиырды сауып 3-литірлік банкіге құйып беретін Таласамыз үйде мен апарам деп. Сонда Салаш апа банкіні үнемі талқанмен толтырып жіберетін. Сол тәтті талқан үшін жаяу жүгіріп баратынбыз. Бері к ағанын Берген сұхбатында ол өзінін ауылдағы өмірі жайлы айтты. Өтірік еш нәрсе жоқ. Мен тындап көзімнін аладына бәрін қайтадан елестетіп жылап алдым , қарапайым адамдар ішкі дүниелері таза.

  15. сауле :

    Біреуге Берік Исмаилов модельер ретінде қызық Ал маған қарапайым, ақ көніл жақсы адам осы күнге дейін өзгермеген, адам ретінде. Денсаулық табыс тілеймін сізге.

  16. Нурдаулет :

    Берік ағай менде жаңақорғандықпын жасаған жұмыстарыңыз табысты болсын*

  17. Priligy Posologia buy viagra online Cialis Disfuncion Erectil

  18. Zithromax Picture cialis Commande Viagra Canada

  19. Kelchoolo :

    Levitra 5mg Vs 10mg viagra Generic Nexium

Пікір жазу

Ваш e-mail не будет опубликован. Обязательные поля помечены *

*


9 − = 4

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>