Тұрсын ТАҢАТҰЛЫ: Ұлттық педагогикаға мән береміз

Тұрсын Таңатұлы, №177 жалпы білім беретін  мектеп директоры

Тұрсын Таңатұлы, №177 жалпы білім беретін мектеп директоры

Жетісу ауданына қарасты Көкжиек ықшамауданы мемлекеттік тұрғынүй бағдарламасы бойынша бой көтерген аймақ. Сап түзеген жаңа үйлер, қонысын тойлаған жас отбасылар ықшамауданның сәнін кіргізіп тұр. Ал өткен жылы ғана қала басшылығы ықшамауданда арнайылап қазақ тілінде білім беретін мектеп салып берді. «177» нөмірімен таңбаланған бұл білім ордасы 1200 оқушыға арналған. Бәсеке көшіне енді түссе де, бабын байқатып үлгерді. Мұның бәрі сапалы білім мен саналы тәрбие беруді сара жолға түсірген мектеп басшылығының еңбегі десек, артық айтқандық болмас. Осы ретте мектеп директоры Тұрсын Таңатұлымен емен-жарқын әңгіме жүргіздік, білім ошағының бағыт-бағдары мен беталысымен таныстық… 

– Тұрсын Таңатұлы, сіз басшылық ететін мектеп «177» деген нөмірінен бұрын «Көкжиек мектебі» атымен танымал. Сірә, жас аудандағы жас орданың көкжиегі расымен кең, болашағы жарқын болатын болар. Әзірге осы бағытта жасалып жатқан жұмыстарды айтып өтсеңіз. Мектептің қазіргі мүмкіндігі қандай?
– Иә, Көкжиек мектебінің болашағы жарқын боларына біз де сенеміз. Білім ошағы тұсауы кесілген сәттен бастап-ақ, ықшамаудан тұрғындарына, әсіресе, оның жас буынына ерекше қуаныш сыйлап келеді. 2012 жылы 2 сәуірде қала әкімі Ахметжан Смағұлұлы Есімов мектептің ашылу рәсіміне қатысып, ақжолтай тілегін арнаған еді. Сонымен бірге мектеп ұжымына үлкен сенім артып, ұлт мұраты жолында балаларға сапалы білім беру міндетін жүктеген еді. Міне, біз сол сенім үдесінен шығу жолында жұмыс атқарып келеміз. Менің мектеп басшылығына келгеніме жарты жылдай уақыт болды. Маған дейін мектеп директоры болып білікті маман Нағрипа Әлімбаева қызмет атқарған болатын. Әрине, қызметін бастағанына 1 жылдан енді ғана асқан мектеп үшін бүгінгі жеткен жетістіктерміз орасан деп ойлаймын. Өткен оқу жылында мектепке 904 бала қабылдаған болсақ, биыл бала саны 1160-қа жетті. Оқушылар саны жыл санап көбейе беретіні сөзсіз, өйткені, Көкжиек ықшамауданың өзі кеңейіп, қоныстанып жатқан жас отбасылардың саны артып келе жатыр. Оқушылар мектебімізде 2 ауысымда білім алады. Кабинеттер кең, жарық, оқушылардың білім алуына жақсы жағдай жасалған. Арнайы қазіргі заманғы интерактивті құралдармен жабдықталған кабинеттер саны 15-тен асады. Бір сыныпта білім алатын балалар саны 26-дан аспайды. Қазір барлық сынып бөлмелерін компютерлермен жабдықтап, интернет жүйесіне қосу бағытында жұмыс жасап жатырмыз. Бұл ойымыз сәтімен жүзеге асқан жағдайда, ата-аналар үйлерінде отырып-ақ, ғаламтор жүйесін пайдалану арқылы баласының бағаларын тексеріп, үй тапсырмаларын пысықтап, мектеп мұғалімдерімен де байланыса алады. Жалпы алғанда бұл «ата-ана – оқушы – мұғалім» үштағанының бірлігін түзуге жұмыс жасайтын жақсы бастама болады деп сенеміз.
– Жақсы ұстаздың ата-анадан да жақын болып кететіні бар. Ұстаздарды мектеп жүрегіне де балап жатамыз. Көкжиек мектебінің педагогикалық кадр құрамы қандай? Олардың біліктілігін жетілдіру ісі жолға қойылған ба?
– Мектебімізде 92 мұғалім еңбек етеді. Бәрі де өз ісінің маманы. Олардың 42-сі – жоғарғы және бірінші санатты мұғалімдер. Әрине, оларға қойылатын талаптар өте жоғары. Онсыз сапа биігіне жете алмаймыз. Бірақ тиісінше, біліктіліктерін жетілдіріп, арнайы педагогикалық курстардан өтулеріне мүмкіндік жасап отырамыз. Мәселен, 6 мұғаліміміз Кэмбридж оқу бағдарламасы бойынша білім алып, 30 пайыздық үстемеақы алып отыр. Одан бөлек осы бағдарлама бойынша білім жетілдірген тағы 2 мұғалімді қызметке алдық. Олардың тәжірибелері мектепте қолданылатын әдіс-тәсілдерді жаңғыртуда оң септігін тигізіп отыр. Тағы бір айта кететін жақсы жаңалығымыз, мектеп аясында тегін түрдегі бірқатар үйірмелердің тұсауын кесіп жатырмыз. Би, ән, домбыра, тоғызқұмалақ, өзге де ұлттық өнер мен спорт түрлеріне арналған үйірмелерге оқушылардың қуанышы шексіз. Өйткені ықшамаудан орталықтан шалғай орналасқандықтан, балалардың өнер үйренуі, спорттың арнайы түрімен шұғылдануы қиын-ақ. Қазірдің өзінде балалар осы үйірмелерге жаппай жазылып жатыр. Бәрі де аса қуанышты.
– Әлбетте, «өнерліге қашан да өріс кең». Мектеп жұмысы оқушыларының үлгерімі, тәртібі және сонымен бірге, әртүрлі жетістіктерімен де бағаланады емес пе? Әртүрлі байқауларға қатысып тұратын шығарсыздар?
– Мақтанатын нәрсе көп. Республикалық «Тайжарыс» радиофестивалінде 6 оқушымыз бірдей жүлделі орындарды иеленіп, қуантқан. Олардың бәрі де Түркияда өткен халықаралық байқауға жолдама алды. Алайда ата-аналардың демеушілігімен біреуі ғана ол байқауға қатысып қайтты. Жеміссіз емес, қанжығасында – ІІІ орын. Одан бөлек, біраз оқушыларымыз көркемсөз байқауларының жеңімпазы. Балалар әдебиетке ерекше құмар. Аудандық «Жарқын болашақ» олимпиадасы, қалалық «Жырбелес» ақындар айтысы, Абай, Ахмет, Мағжан, Мұқағали оқуларында топ жарып, қуаныш сыйлап жатқан шәкірттеріміз де көп. Ғылыми жарыстарда, ғылыми жоба қорғауда да біздің шәкірттер жүлдеден құралақан емес. Бізде байқауларға тек оқушылар ғана қатыспайды, мұғалімдер де жарыс десе, құлшынып тұр. Соның бір дәлелі, музыка пәнінің мұғалімі Гүлшат Тұрмағамбетова алғашқы республикалық музыка пәні мұғалімдерінің байқауында жүлделі орынды иеленді.
– Қазір ұлт саулығы ұдайы назарда. Балалардың дені сау, ойы сергек азамат болып өсуі мектеп қабырғасынан басталады. Бұл бағытта қандай жұмыстар атқарып жатырсыздар?
– Бірінші кезекте балаларды сапалы тамақтандыру қажет. Қалалық әкімдіктің қолдауымен 670 бала бір мезгіл ыстық тамақпен қамтылған. Олар 1-4 сынып оқушылары. Тамақтары дәмді, құнарлы. Ұлтық тәрбие беру ісіне келсек, бұл біздің басым бағыттарымыздың бірі. Мектеп толықтай мемлекеттік тілде білім беретіндіктен, кез-келген шара, жиналыс, үйірме жұмыстары қазақ тілінде өткізіледі. Балаларда ұлттың ұлағатты тілін, мәдениетін, дәстүрін сіңіруді тәрбие сағаттарының басты міндеттері ретінде айқындап қойғанбыз. Айта кететін бір нәрсе, біздің мектепте түрлі ұлт өкілдері білім алады. Ұйғыр, орыс, татар, өзбек және өзге де ұлт өкілдерінің балалары бар. Олар өз қалауымен қазақ тілінде білім алуды таңдаған. Балалардың көбі, олардың ата-аналары да қазір қазақ тіліне басымдық беріп жатқаны сезіледі. Олардың үлгерімі, тілді меңгеруі өзіміздің қаракөздерден кем соғып жатқан жоқ. Бұл біз үшін үлкен қуаныш. Оқушылар мектепте ұлтқа бөлінбейді, бір үйдің балаларындай тату. Бәрінде бірегей мектеп формасы. Мұғалімдер сабақ түсіндіруде ұлттық педагогика элементтерін қолдануға ерек-ше мән береді. Мысалы, дене шынықтыру пәні мұғалімдерін айтуға болады. Олар ұлттық ойындарды тәжірибеге енгізген. Нағыз спорт деген осы.
– Білім ордасының тұсауы кесілгеніне 1 жылдан жаңа асты. Әзірге ұлттық бірыңғай тестілеуге дайындық жүргізіп үлгермеген шығарсыздар?
– Иә, қазір біз 10 сыныппен тоқтап отырмыз. Ықшамаудан тұрғындарының негізгі бөлігі жас отбасылар болғандықтан, шәкірттердің көбі төменгі сыныптарда. Алайда алдағы жылы 11 сынып ашу жоспарда бар. Сол кезде біздің мектеп жұмысы да шәкірттеріміздің тестілеу сындарындағы көрсеткіштерімен бағаланатын болады. Еліміздегі білім жүйесін дамыту бағдарламаларына сай болашақта біздің мектеп те 12 жылдық білім жүйесіне көшетін болады. Қазір соған дайындық жұмыстары жүріп жатыр. Мұғалімдеріміз арнайы курстардан өтуде. Бұл – жалпыреспубликалық бастама болғандықтан, біз де ерте қамданып, жаңа өзгерістерге сақадай-сай болғымыз келеді.
– Еңбектеріңізге жеміс тілейміз! Көкжиек мектебінің көкжиегіне көз ілеспегей!

Сұхбаттасқан Нұрболат АМАНЖОЛ

«Ақжүніс-Астана» журналы

Сайтымыздың жаңа мақалаларына жазылыңыз

Поделиться в соц. сетях

Опубликовать в Facebook
Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс

3 пікір

  1. Жалгас :

    Мен осы куштыыыыы мектептын окушысымын мен
    5/5 бал беремын

  2. cheap car insurance online
    [url=http://carxxinsurancexx.org/]cheap auto insurance[/url]
    auto insurance quotes
    cheap auto insurance quotes

  3. Order 40 Mg Fursomide Online generic cialis Zithromax Otitis Media

Пікір жазу

Ваш e-mail не будет опубликован. Обязательные поля помечены *

*


− 3 = 3

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>