Әйгерім десе – Әйгерім…

dm6-lucgrds          Таяуда жас әнші Әйгерім Тұтова Польшада өткен әншілер байқауында қазақтың көк туын желбіретіп, әсем әнімен тыңдармандарды таңқалдырды. Ол қатысқан байқау – құлағы нашар еститін балалар арасындағы «Beats of Cochlea»  («Ритмы Улитки») ән байқауы. Көрермендер арасында сауатты әншілер, режиссерлер, білікті дәрігерлер де болған. Бірінші орынды иеленген Әйгерім танымал болып шыға келді. Ол  байқауға 150 бала қатысуға ұсыныс жіберіп, 32 талапкер  шақырту алған. Бір күндік тыңдалымнан кейін 10 сайыскер қалған. Сол ондыққа кірген Әйгерімді Питердегі тағы бір байқау ұйымдастырушылары байқап, ұсыныс білдірген. Ол байқаудан да лауреат атанған. Әйгерім осындай жетістіктерге қажырлы еңбектің арқасында жеткені айдан анық көрініп тұр.

ievyoke4g3qӘйгерім айтады:

«Бала кезде әнші де, биші де, тіпті стюардесса да болғың келеді. Ән айтқым келетін. Мені көп адам тыңдап отырса деген қиялдарға берілетінмін де. Байқауға барар кезде жеңіп кету мақсат болған жоқ, әрине. Дегенмен, «жеңсем екен» деген арман барлық сайысқа қатысушыда болады ғой. Бұл байқауға кездейсоқ тап болдым. Әнімді айтып, инстаграмдағы парақшама салғанмын. Ол байқаудың ұйымдастырушылары соны көріп, мені шақырды. Кристина Агилераның «Hurt» әнін сүйіп орындаймын. Байқауда соны айттым. Ағылшынша, кәрісше әндерді тыңдап жүремін. Елімізде Жанар Доғалованың әндері, стилі ұнайды.

Ғ.Мүсірепов атындағы №86 мектеп-гимназияcында оқыдым. 11 жыл бойы Нышангүл Шалқарбаева деген ұстазым сынып жетекшім болды. Ол кісінің алдында басымды иемін. Бастапқы кездерде диктанттарды қате жазады екенмін, ggwreqmrrvuдұрыс естімегеннен. Өзі қарап, түзетіп жүріпті. Мұны білген мектеп директоры мені арнайы мектепке ауыстыру жөнінде айтқан екен. «Бір қазақтың баласын алға сүйреп шығамын» деп сендіріп, маған үміт артып, бар жауапкершілікті өз мойнына алған. Сол үшін алғысым шексіз. Менің алда жүруіме септігі тиген адамның бірі сол кісі. Мектепті ойдағыдай аяқтадым. Абай атындағы Қазақ Ұлттық педагогикалық университетін дефектолог мамандығы бойынша бітіріп, магистратурада оқып жүрмін.  №7 мектеп-интернатындағы балалардың үйлеріне барып оқытатын мұғаліммін қазір.  Көлік айдауды да меңгеріп алдым. 11 сыныпта жүргенімде ота жасаттым. ҰБТ-ға дайындалып, мұғалімдерді жақсы 64qrlqpjapkестуім керек болды. Бірінші қатардың, бірінші партасында отырсам да, естімей қиналатынмын. Кейін кохлеарлы имплант (КИ) жасатқан соң барлығы өзгере бастады. Мені бір жыл бойы тынбай түрлі дәрігерге, сурдопедагогтарға  апарған әкем мен анама  рахмет айтамын. Бастапқыда дауыссыз дыбыстар мен құстардың үнін анық ести бастадым. Алыстан естілсе де, рахаттанып қаласың. Ести білудің өзі – бір бақыт. Айтпақшы, байқауларда маған демеушілік жасап жүрген – «Med-El» компаниясы. Жеңімпаз болып келгенімде аппарат сыйлады маған. Құны 8000 еуро тұрады екен. Ән жаздырып, клип түсіріп береміз деген және. Ол компанияға ендігі жылы он жыл толады. Он жыл бұрын бірінші маусымда ең бірінші отасын жасаған екен. Құлағымдағы кохлеарлы имплант (КИ) аппараты сол компанияның өнімі…»

 

o02qly5hw6uАры қарай анасынан сұрауды жөн көрдік…

Гүлшат Тұтова, М.Әуезов атындағы қазақ мемлекеттік академиялық драма театрының актрисасы:

– Гүлшат апай, әңгімемізді отау құрған кездеріңізден бастасақ. Әйгерім тұңғыш қыздарыңыз ба?

Нұржан екеуміз 1992 жылы үйлендік. 1993 жылы оқу бітірдік. Қиын кездер еді ғой. Жатақханада тұрып жүрдік. Нұржан тағы оқуға тапсырды. 1994 жылы өмірге Әйгерім келді. Ұлы Абайдың 150 жылдығына орай Әйгерімдер көбейіп жатқан кез. Есімін Раушан деген әпкесі қойды. Мен босанғаннан кейін ауылдан енем келіп, Әйгерім екеумізді ауылға алып кетті. Ауыл жақта бір жылдай тұрдық. Кейін Таразға келдік. Нұржан да оқуын бітіріп, Тараздағы театрға жұмысқа тұрды. Бір бөлмелі пәтеріміз болды. 12400813_165515497149077_9107921865724208883_nӘйгерім сол жерде балабақшаға барды. Сөйтіп жүргенде декреттік демалысым да бітті. Алдында М.Әуезов атындағы қазақ мемлекеттік академиялық драма театрында жұмыс істеп, сол жерден декретке шыққанмын. Бүгінде сол театрдың актрисасымын. Әйгерім үш жасқа келген кезде 1997 жылы біз Алматыға келдік. Аш болған кезіміз де, тоқ болған кезіміз де болды. Ыдыс-аяқ сылдырлаған кездер де болды. Бәрін бірге көріп келе жатырмыз.

– Әйгерімнің денсаулығы жайында айтыңызшы…

– Әйгерімнің құлағы естімей қалғаны рас. Туабітті емес. Әйгерім 11 айлығында  қатты ауырып, реанимацияға түсті. Баламды қолымнан жұлып алып, мені кіргізбей қойды. Жастығым болар, Әйгерім ауырғанда бір апта бойы үйде ұстап отырдым. Баланың қатты ауырып жатқанын білмегенмін. Екі өкпесіне суық тиіп, ауыр халге жеткен. Сол кезде дәрігерлер бүкіл мүмкіндікті жасап, баланы құтқару үшін гентомицин деген дәріні көп дозада салып жіберген. Ол асқынып құлаққа әсер еткен, бала содан естімей қалған. Беті бері қараған соң баламды қолыма берді. Сол кездегі баламның түрін көрсеңіз… Жаныма қатты батқан кезі де сол кез еді…

13615486_263890050644954_1883109648266166295_n– Баланың құлағы естімейтінін қашан білдіңіздер?

– Үш жасқа келген кезінде білдік. Әр баланың тілі әр кезде шығады ғой. Сөйлеп кетер деп жүрдік. «Неге сөйлемейді?» деп жүріп, Алматыға келгенімізде дәрігерлерге қаралдық. Алты жасында «Бөбекке» жаттық. «Бөбекті» ашқан Сара Назарбаева апамызға үлкен рахмет айтамын. Сол «Бөбекте» Сәуле Ілиясқызы деген сурдопедагог әрі логопед болды. «Бұл баланың құлағы естімейді. Құлағына аппарат кигізу керек. Сол кезде сөйлеп кетеді» деп ақылын айтты. Бәрі ойдағыдай болатынына бізді сендірді, күш-жігер берді. Дұрыс бағыт бергендігі үшін ол кісіге де рахметтен басқа айтарымыз жоқ. Алты жасында аппарат киіп, мектепке барды. 12 жасында «Ақсай» ауруханасының дәрігерлері ота жасауға болатынын айтты. «Қызым аман-есен жүре берсін, құлағы естімей-ақ қойса да…» деген оймен келіспедім. Қауіпті дегеннен кейін қорықтым. Бес жыл өткесін Әйгерім мүлдем естімей қалғандығын айтты. Біржан Жүнісбекұлы деген дәрігеріміз де бізге ота туралы ұсыныс жасады. Қорықтық, бірақ тәуекел еттік. Сендік. Операция біткенше  аурухананың ауласында күттім. Құдайға шүкір, күрделі ота сәтті өтті. Бассүйекті ашып, құлақты түбінен тесіп, аппаратты миға жалғайды екен. Оңай емес… Бір айдай уақытқа үйге жіберді. Сосын біз естіп, сөйлеп кетеміз деп ойладық. Олай емес екен. Уақыт керек екен. Және  тынбай еңбектену шарт. Бір ай өткесін сурдопедагогтар қалай есту керек екендігін үйретті. 12417796_165513903815903_1424058463749887888_nӘрбір әріп әртүрлі болып, дыңылдап, ызыңданып естіледі екен. Бір жыл бойы күніге Әйгерім өзі сурдопедагогқа барып жүріп, бүкіл әріптерді есту қабілетін жақсартып алды. Қазір 80% естиді. Варшаваға барған кезде кохлеарлы имплант үш этапқа бөлінетіндігін айтты. Біздің қызымыз 1-2 этаптардан өтіп кеткен. Қазір 3 этапта жүр.  Болашақта жақсы нәтиже болады деген үміттеміз.

– Басқа балаларыңыз туралы айтыңызшы…

– Әйгерімді жетілдіріп алайын деп бала көтермедім біраз. Ол бірінші сыныпты бітіргеннен кейін шешім қабылдадым. Аллаға шүкір, сөйтіп екінші қызымыз дүниеге келді. Тіліміз кәлима келіп жүрсін деп, есімін Кәлима-нури деп қойдық. Ешкімге ұқсамасын деп. Бұл қызымды босанар кезде қорыққандығым рас. Бірақ, бекер қорқыппын, он екі мүшесі сау, әп-әдемі қызымыз дүниеге келді. Біз мәңгілік емеспіз, бұл екі қызға төркін керек қой деп Алладан ұл сұрадым. Тілегіміз қабыл болды. Араға сегіз жыл салып ұлымыз дүниеге келді. Тәңірден сұрап алғанымыз деп Тәңірберген деп қойдық.  Нұржан да әрқашан демеу. Осы балаларымызды қызықтап жүрсек, арманымыз жоқ.

– Көңілсіз күндерде демеу болған достарыңыз бар шағар? Осындай сәттерде комедиялық рөлдерді сомдап, сахнаға шыққан кездеріңіз болды ма?

– Комедиялық рөлдерді сомдайтын кезде жарқырап жүреді екенмін. Негізінен өзім «позитивнаямын». Аса қатты қайғырып, жамандық шақырмайды екенмін. Реалистпін. Сендім. Бала-шағамыздың шат-шадыман болып өсіп, ешкімнен кем болмайтындарына сендік. Сол үшін бәрін жасадық. Бәрі сенімге байланысты. Сенім болса, Алла өзі қолдайды. Ештеңе кедергі болған емес бізге. Достарымыз да Әйгерім десе ішкен астарын жерге қояды. Нұржанның досы Нұрлан Әйгерімнен ешқашан көмегін аяған емес. Операцияға керек сомаларды Нұржанның достары тауып берген. Сосын менің курстас Гүлмира деген құрбым бар – Әйгерімнің кіндік шешесі. «Әйгерім ешкімнен кем емес. Мен оның сөйлемейтінін ұмытып кетемін. Сезбейді екенмін. Қайдағыны айтпаңыздар…» деп о бастан бүгінге дейін Әйгерімді қолдап жүреді. Сондай-ақ, Бақыт, Жәмилә, Гюзель, Фарида, Айнаш, Амангүл секілді құрбыларым әрдайым жанымнан табылады. Әйгерім десе жандары қалмайды.

Байқауға барарда Әйгерім өзіне сенді. «Қорықпаңыздар, жақсы айтып шығамын» деді. Әлем бойынша өте талантты, құлақтары нашар еститін кохлеарлы имплант жасалынған, операциядан кейін жақсы естіп кеткен балалар арасындағы жарыс қой. Шын мәнінде, операциядан кейінгі нәтиженің ең жақсы көрсеткіші Әйгерімде екен. Оны тыңдау кезінде байқадым. 32 үміткерді тексерді ғой. Әйгерімге таңқалғандар көп болды. «Сұмдық екен!.. Керемет, тамаша!..» деп жатты. Лауреат атанды. Сол жерде Санкт-Петербургқа жолдама алды. Ол жерде де лауреат атанды. Сондай диагнозы бар балаларға демеу болсын деген ниетпен шақырған ғой. «Қыз сыны» деген байқауларға қатысатын. Ән де айтатын, би де билейтін. Дегенмен, Варшаваға барар кезде қатты қобалжыдық. Жанды дауыста айту керек. Үлкен сахнаға шығып көрмеген. Қалай болар екен? Халықаралық дода. Өзіміздің арамызда ғана ән салып жүрген бала. Үш күн репитиция болды. Күнделікті өзі дайындалып жүрді. «Хард» деген Кристина Агилераның әнін үнемі айтып жүретін. Соны айтты. Шетелде қазақ екендігімізді дәлелдемесек, қайда дәлелдейміз деп, қазақша ән таңдағымыз келген. Алайда, шарт бойынша ән орысша не ағылшынша болу керек екен. Сосын ол байқауға «Любовь настала» әні таңдалды. Роза Рымбаева айтқан ән.

– Әйгерімнің мінезі қандай?

– Мықты қыз. Айтқанынан қайтпайды. Өмірге деген құштарлығын айтып жеткізе алмаймын. Бұрынғы тұрған үйімізде, тура Әйгерімнің бөлмесінен шымшықтардың сайрағаны естілетін. «Мама, «чик-чик» деген шымшықтардың даусын естіп жатырмын. Тыңдашы…»  деп қуантқаны бар. «Мама, мен сені ылғи қуантқым келеді» деп, күнде бетімнен сүйетін әдеті бар. Біз бақытты отбасымыз!

– Әңгімелеріңізге рахмет!

 

Әңгімелескен

Эльенора ӘМІР

 «Ақжүніс-Астана» журналы

Сайтымыздың жаңа мақалаларына жазылыңыз

Поделиться в соц. сетях

Опубликовать в Facebook
Опубликовать в Google Buzz
Опубликовать в Google Plus
Опубликовать в LiveJournal
Опубликовать в Мой Мир
Опубликовать в Одноклассники
Опубликовать в Яндекс

2 пікір

  1. Viagra Generico 50 online pharmacy Prescription En Ligne

  2. Kelchoolo :

    Cheap Zoloft Without Prescription cialis Ampicillin For Cheap

Пікір жазу

Ваш e-mail не будет опубликован. Обязательные поля помечены *

*


9 + = 18

Можно использовать следующие HTML-теги и атрибуты: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>